بە بڕیاری مەسرور بارزانی گۆڕانکاری لە میکانیزمی وەرگرتنەوەی قەرزەکانی پێشینەی هاوسەرگیریی و خانووبەرە دەکرێت
K24 – هەولێر
مەسرور بارزانی سەرۆکی حکومەتی هەرێمی کوردستان، بڕیاریدا گۆڕانکاری لە میکانیزمی وەرگرتنەوەی قەرزەکانی پێشینەی هاوسەرگیریی و خانووبەرەی بکرێت، بەجۆرێک رەچاوی دۆخی دارایی هاووڵاتییان بکرێت.
سەرچاوەیەک بە کوردستان24ی راگەیاند، لەسەر فەرمانی سەرۆک بارزانی، مەسرور بارزانی سەرۆکی حکومەتی هەرێمی کوردستان بڕیاریدا بە گۆڕانکاری لە میکانیزمی وەرگرتنەوەی پێشینەکانی هاوسەرگیریی و خانووبەرە لە هاووڵاتییان.
لە چەند رۆژی رابردوودا سەرۆک بارزانی لەگەڵ چین و توێژەکانی پارێزگای دهۆک کۆبووەوە و وەرگرتنەوەی پێشینەکانی هاوسەرگیری و خانووبەرە یەکێک لە داواکارییەکانی خەڵکی ئەو پارێزگایە بوو.
