وهزارهتی ناوخۆ: چوار بەڕێوەبەری ناحیە دەستبەکاربوون
K24 - هەولێر:
وهزارهتی ناوخۆ رایدهگهیهنێت، لە چوارچێوەی گۆڕانکارییەکانی کابینەی نۆیەمی حکومەتی هەرێمی کوردستان، بە مەبەستی خزمەتکردنی زیاتری دەڤەرە جیاوازەکان، لە سنووری هەردوو قەزای چۆمان و مێرگەسۆر لە ئیدارەی سەربەخۆی سۆران، چوار بەڕێوەبەری نوێی ناحیە دەستبەکاربوون.
له چوارچێوهی راگهیهندراوێكدا وهزارهتی ناوخۆی حكومهتی ههرێمی كوردستان ئاماژه بهوه دهكات، بە ئامادەبوونی رێبەر ئەحمەد وەزیری ناوخۆ و هەڵگورد شێخ نەجیب سەرپەرشتیاری ئیدارەی سەربەخۆی سۆران، رێورەسمی دەستبەکاربوونی محەممەد مەحموود سەلیم بۆ پۆستی بەڕێوەبەری ناحیەی گەڵاڵە، عەبدولڕەحمان رەسوڵ ئەنوەر بۆ پۆستی بەڕێوەبەری ناحیەی قەسرێ لە قەزای چۆمان، ههریهك له هەژار جەوهەر بۆ پۆستی بەڕێوەبەری ناحیەی پیران و فەرەیدون فوئاد میرخان بۆ پۆستی بەڕێوەبەری ناحیەی شێروان مەزن لە قەزای مێرگەسۆر بەڕێوەچوو.
لە مەراسیمێكدا، رێبهر ئهحمهد وەزیری ناوخۆ بهڕێوهبهری ناحیهكانی هاندا کە نوێنەری دەستپاک و دڵسۆزی حکومەتی خۆیان بن و هەموو کارێک بکەن تا خزمەتی سنوورەکانیان بکەن و رێز لە هاووڵاتیان بگرن. (ههروهك وهزارهتی ناوخۆ ئاماژهی پێكردووه).