دیداری سلێمانی بۆ شارەوانییەكان بەڕێوەدەچێت

K24 – سلێمانی

پەیامنێری كوردستان24 لە سلێمانی رایگەیاند: "سەرلەبەیانی ئەمڕۆ بە ئامادەبوونی نەورۆز مەولود وەزیری شارەوانی و گەشتوگوزاری حكوومەتی ھەرێمی كوردستان و ژمارەیەك لە بەرپرسانی دیكەی ھەرێمی كوردستان دیداری شارەوانییەكان لە سلێمانی دەستپێكرد.

پەیامنێرمان گوتیشی: "بەگوتەی سەرپەرشتیاران ئامانج لەو دیدارە تاوتوێكردنی بارودۆخی شار و شارۆچكەكانی ھەرێمی كوردستان و كاركردن بۆ لامەركەزی شارەكان و ھەروەھا ئامادەكارییە بۆ رێكخستنی دیدارێكی نێودەوڵەتی كە ژمارەیەك لە پسپۆرانی ناوخۆ و بیانی بەشداری تێدا دەكەن بڕیارە لە ماوەیەكی نزیكدا ئەو كۆنفرانسە نێودەوڵەتیە رێكبخرێت.