سبه‌ى وه‌رزى نوێى به‌رنامه‌كانى كوردستان 24 ده‌ستپێده‌كات

‌ K24 – هه‌ولێر:

كوردستان 24 له‌ دواى دامه‌زراندنييه‌وه‌ و له‌ وه‌رزى رابردوودا به‌ هۆى رووماڵه‌ تايبه‌ته‌كانى له‌ پرۆسه‌ى رزگاركردنى شنگال و ناوچه‌ كوردستانييه‌كان و ده‌ستڕاگه‌يشتنى به‌ سه‌رچاوه‌ى زانيارى و ده‌ستكه‌وتن و بڵاوكردنه‌وه‌ى وێنه‌ى تايبه‌تى رووداوه‌كان له‌ ساتى روودانياندا له‌ پارچه‌كانى ديكه‌ى كوردستانيش له‌ ماوه‌يه‌كى كورتى كاركردنييدا بووه‌ سه‌رچاوه‌ بۆ ئاژانسه‌كان و كه‌ناڵ و رۆژنامه‌ به‌ناوبانگه‌كانى جيهان و له‌ ئاستى ناوخۆشدا بووه‌ته‌ جێى متمانه‌ى وه‌رگرانى.

بڕياره‌ سبه‌ى سێشه‌ممه‌ ده‌ستپێكێكى نوێ بێت له‌ كاركردنى و وه‌رزێكى ديكه‌ به‌ ژماره‌يه‌ك به‌رنامه‌ و گۆڕانكارى و ده‌ركه‌وتنى چه‌ندين پێشكه‌شكار و بێژه‌رى ناودار ده‌ستپبكات.

له‌م وه‌رزه‌دا "كوردستان 24" به‌ كۆمه‌ڵێك پرۆژه‌ و پرۆگرامی نوێ و توانا و ئه‌زموونی قوڵتر و نێوه‌ڕۆکێکى جیاوازتر پێده‌نێته‌ قۆناغێکى نوێى کارکردن".

له‌ ڕووى نێوه‌ڕۆکى به‌رنامه‌کان، ته‌کنیک و گرافیک و بوڵته‌نه‌کانى هه‌واڵ، به‌ ئامانجی به‌جێهێنانی زیاتری خواستی بینه‌ر و بیسه‌رانی، پلانێكی نوێی كاركردن به‌ڕێوه‌ ده‌برێت.

له‌م وه‌رزه‌دا بینه‌رانی "كوردستان 24" چه‌ند به‌رنامه‌یه‌کى سیاسیى و کولتوورى نوێ و جیاواز ده‌بینێت.  بۆ یه‌که‌مین جاریش کۆمه‌ڵێک بێژه‌ر و پێشکه‌شکارى به‌ توانا و ناسراوى کوردستان، له‌ سه‌ر شاشه‌ى کوردستان 24 ده‌رده‌که‌ون.

کوردستان 24 له‌ وه‌رزى نوێدا هه‌وڵده‌دات زیاتر له‌گه‌ڵ رووداو و گۆڕانکارییه‌ ناوخۆیى و ناوچه‌یى و نێوده‌وڵه‌تییه‌کان بڕوات و رووماڵ و به‌دواداچوونه‌ رۆژنامه‌وانیه‌کانى بۆ پرسه‌ جیاجیاکانى سه‌رتاسه‌رى کوردستان و وڵاتانى دیکه‌ى دونیا فراوان بكات، و کار بۆ ئه‌وه‌شكراوه‌ به‌وپه‌ڕى خێرایى هه‌واڵ و زانیارى بۆ بینه‌ر و بیسه‌رانى بگوازێته‌وه‌.

هه‌روه‌ها توڕى په‌یامنێرانى له‌ شار و شارۆچکه‌کانى کوردستان و وڵاتانى ده‌روروبه‌ر و ئه‌وروپا و ئه‌مریکا فراوانتر ده‌کات، بۆ له‌مه‌ودواش چه‌ندین رۆژنامه‌وانى به‌نێوبانگى کوردستانى و جیهانی وه‌ک په‌یامنێر و شرۆڤه‌کار، له‌گه‌ڵ کوردستان 24 کار ده‌که‌ن.

دامه‌زراوه‌ى راگه‌یاندن و توێژینه‌وه‌ى کوردستان 24، له‌ ته‌له‌ڤزیۆن و وێب سایت و رادیۆ پێکهاتووه‌، ‌ به‌ هاوکارى و پشتیوانى که‌ناڵى "فرانس 24 " دامه‌زراوه‌.

رۆژى31 /10/ 2015 ده‌ستى به‌ په‌خشی به‌رنامه‌كانی كرد، له‌ ماوه‌ى هه‌شت مانگى رابردوودا هه‌وڵى داوه‌ که‌ناڵێکى کوردستانى بێ و پیشه‌ییانه‌ و به‌ پێى ستاندارده‌ جیهانییه‌کانى رۆژنامه‌وانى کار بکات.

کوردستان 24 ئۆفیسى سه‌ره‌کى له‌ هه‌ولێرى پایته‌ختى هه‌رێمى کوردستانه‌، له‌ شاره‌کانى دیکه‌ى هه‌رێمى کوردستان و باکوور و رۆژئاواى کوردستان و عێراق و تورکیا و ئه‌وروپا و ئه‌مریکا و رووسیا نووسینگه‌ى هه‌یه‌. تا ئێستاش چه‌ندین جار کوردستان 24 بووه‌ته‌ سه‌رچاوه‌ى سه‌ره‌کى هه‌واڵ و زانیارى دامه‌زراوه‌ میدیاییه‌ جیهانییه‌کان.

جگه‌ له‌ رادیۆ و ته‌له‌ڤزیۆنى کوردستان 24، ماڵپه‌ڕى کوردستان 24، به‌ زمانه‌کانى (کوردى "سۆرانى، کرمانجى"،  عه‌ره‌بى، ئینگلیزى و تورکى) هه‌واڵ و به‌دواداچوونه‌کانى بڵاوده‌کاته‌وه‌.

بولته‌نه‌كانى يه‌كه‌م رۆژى په‌خشى كوردستان 24 له‌ وه‌رزى نوێدا

8:00   كورته‌ى هه‌واڵ

8:03 پرۆگرامی رۆژ باش، كاتژمێرى یه‌كه‌م ( سۆفت).

9:00 كورته‌ى هه‌واڵ

9:02  پرۆگرامی رۆژ باش، كاتژمێرى دووه‌م(رۆژه‌ڤ).

10:00  گه‌شتى هه‌واڵه‌كان (سۆرانى+ وه‌رزش).

11:00 گه‌شتى هه‌واڵه‌كان ( كرمانجى)

11:30 رۆژنامه‌ 24 (كرمانجى+ سۆرانى)

12:00 گه‌شتى هه‌واڵه‌كان (سۆرانى+  وه‌رزش)

01:00 گه‌شتى هه‌واڵه‌كان (كرمانجى)

01:30 گه‌شتى وه‌رزش (25 خوله‌ك)

02:00 كورته‌ى هه‌واڵ

02:05  به‌رنامه‌ (دووباره‌)

03:00 گه‌شتى هه‌واڵه‌كان (سۆرانى+ ئیكۆنۆمى)

04:00 كورته‌ى هه‌واڵ

04:05 به‌رنامه‌ (دووباره‌)

05:00 گه‌شتى هه‌واڵه‌كان (كرمانجى+ ئیكۆنۆمى)

06:00 هاشتاگ (پڕۆگرامى رۆژانه‌_ 25 خوله‌ك).

06:30 گه‌شتى وه‌رزشى (25 خوله‌ك) 

7:00 كورته‌ى هه‌واڵ

07:05 باسى رۆژ (پڕۆگرامى رۆژانه‌- دوو ته‌وه‌ر، چه‌ند پێشكه‌شكارێكى ده‌بێت).

8:00 نیوسرووم (رۆژانه‌- كاتژمێرو نیوێك).

09:30 پڕۆگرامى هه‌فتانه‌.

10:00 كورته‌ى هه‌واڵ

10:05 پرۆگرامى هه‌فتانه‌

11:00 گه‌شتى هه‌واڵه‌كان (سۆرانى+ ئیكۆنۆمى)

12:00 گه‌شتى هه‌واڵه‌كان (كرمانجى + وه‌رزش 15 خوله‌ك).