بە وێنە؛ کردنەوەی پێنجەمین پێشانگەی بازرگانی نێودەوڵەتیی پیشەسازی و بیناسازی لە هەولێر لەلایەن مەسرور بارزانییەوە
K24 - هەولێر
بەیانی ئەمڕۆ سێشەممە، 14-11-2023، مەسرور بارزانی، سەرۆکی حکومەتی هەرێمی کوردستان پێنجەمین پێشانگەی بازرگانی نێودەوڵەتیی پیشەسازی و بیناسازی لە هەولێر کردەوە.
پێشانگەی بازرگانی نێودەوڵەتیی پیشەسازی و بیناسازی Construct Iraq 2023 کە تایبەتە بە کەرەستەی بیناسازی، کارەبا، سیستەمی ساردی و گەرمی؛ بە بەشداری 212 کۆمپانیای بیانیی و ناوخۆیی بەڕێوەدەچیت. 178 کۆمپانیا بیانین، کە لە 10 وڵاتی جیاوازەوە هاتوون، وەک تورکیا، ئێران، هیندستان، چین، ئیتاڵیا، ئیمارات، لیتوانیا، ئازەربێجان؛ هەروەها 36 کۆمپانیای ناوخۆیی، لەسەر ئاستی عێراق و هەرێمی کوردستان بەشدارن.
پێشانگەکە بۆ ماوەی سێ رۆژ بەردەوام دەبێت و رۆژانە لە کاتژمێر 11:00ـی بەیانی تاوەکو 07:00ـی ئێوارە کراوە دەبێت بۆ پێشوازی لە سەردانیکاران.
