ڤیزای حاجیان دوا دەكەوێت

K24 - ھەولێر

به‌ڕێوه‌به‌ری گشتی په‌یوه‌ندییه‌كان و راگه‌یاندن له‌ وه‌زاره‌تی ئه‌وقاف و كاروباری ئاینی رایده‌گه‌یه‌نێت، تا ئێستا حاجیانی عێراق و هه‌رێمی كوردستان ڤیزای حه‌جیان وه‌رنه‌گرتووه‌.

مه‌ریوان نه‌قشبه‌ندی به‌ڕێوه‌به‌ری گشتی په‌یوه‌ندییه‌كان له‌ لێدوانێكی بۆ كوردستان24 گوتی: "به‌ڕێوەبەرایەتی گشتی حەج و عومرەی كوردستان زیاتر لە 3 هەفتەیە هەموو ئامادەكاری و مامەڵەی حاجیانی هەرێمی كوردستانی تەواو كردووە و پاسپۆرتی حاجیانی ڕەوانەی بەغدا كردووە بۆ وەرگرتنی ڤیزای عەرەبستانی سعوودیە".

روونیكردەوە: "بڕیاریشه‌ 13 ئه‌م مانگه‌ یه‌كه‌م كاروانی حاجیان بەرەو مەككە به‌رێبكه‌وێت، به‌ڵام تا ئێستا هیچ كه‌سێك ڤیزای ئه‌م وڵاته‌ی بۆ نه‌هاتۆته‌وه‌.