فوئاد حوسێن و سەلاحەدین بەھائەدین لە كۆبوونەوەدان

K24 – ھەولێر

كەمێك پێش ئێستا كۆبوونەوەی فوئاد حوسێن سەرۆكی دیوانی سەرۆكایەتی ھەرێمی كوردستان و سەلاحەدین بەھائەدین ئەمینداری گشتی یەكگرتووی ئیسلامی دەستیپێكرد.

پەیامنێرمان لە ھەولێر رایگەیاند: "پێش ئەم كۆبوونەوەیە سەركردەكانی یەكگرتووی ئیسلامی كۆبوونەوەی ناوخۆیان ئەنجامدا بۆ ئەوەی راوبۆچوونەكانیان بۆ كۆبوونەوەكە ئامادە بكەن".

گوتیشی: "تا ئێستا كۆبوونەوەی نێوان فوئاد حوسێن و سەلاحەدین بەھائەدین بەردەوامە".

بە مەبەستی چارەسەركردنی كێشەناوخۆییەكان فوئاد حوسێن وەك نوێنەری سەرۆكی ھەرێمی كوردستان،  گەڕێكی دیكەی كۆبوونەوەكانی لەگەڵ لایەنە سیاسییەكان دەستپێكردووە، بڕیارە رۆژی سێشمەش سەردانی سلێمانی بكات و لەگەڵ نەوشیروان مستەفا رێكخەری گشتی بزوتنەوەی گۆڕان و سەركردە باڵاكانی یەكێتی نیشتمانی كوردستان كۆببێتەوە.