دانیشتووانی لەندەن بەشێوەیەکی جیاواز پێشوازی لە ساڵی نوێ دەکەن

K24 – لەندەن:

شەقامەکانی لەندەن بە ملیۆنان گڵۆپ رازێندراوەتەوە، ئەمەش وایکردووە جیاوازتر بێت لە شارەکانی دیکەی بەریتانیا و جیهانیش، دیکۆرەکانی لەندەن بەبۆنەی سەری ساڵ و کریمس لە سەرەتایی مانگی یانزدە دادەنرێن تاوەکو مانگی یەکی ساڵی نوێ.

بەگوێرەی ئامارەکان تا چارەگی یەکەمی ساڵی 2023 نزیکەی هەشت ملیۆن گەشتیار سەردانی بەریتانیایان کردووە و نزیکەی 5.6 ملیار دۆلاریان خەرجکردووە، ئەمە بەراورد بەساڵی 2022  زیاترە کە ژمارەی گەشتیاران نزیکەی 3.3 ملیۆن کەس بووە. بەگوێرەی ئەم ئامارانەش رێژەی گەشتیاران نزیکبووەتەوە لە ساڵانی پێش بڵاوبوونەوی ڤایرۆسی کۆرۆنا.