ئەنجوومەنی وەزیرانی عێراق بڕیار لەسەر ناردنی 618 ملیار دینار بۆ هەرێمی کوردستان دەدات
K24-هەولێر:
ئەنجوومەنی وەزیرانی عێراق بەسەرۆکایەتی محەمەد شیاع سوودانی کۆبوویەوە و بڕیاریدا، 618 ملیار دینار لەسەر خەرجی راستەقینە بۆ مووچەی مانگی کانوونی دووەمی ئەمساڵی هەرێمی کوردستان بنێرێت.
ئەمڕۆ یەکشەممە(18ی کانوونی دووەمی 2024)، ئەنجوومەنی وەزیرانی عێراق بەسەرۆکایەتی محەمەد شیاع سوودانی کۆبویەوە و چەند بڕیارێکی دەرکرد، لەنێو ئەو بڕیارانەش پرسی مووچەی مووچەخۆرانی هەرێمی کوردستان گفتو گۆ کرا و بڕیاری لەسەر درا کە، بەپێی بودجەی گشتیی فیدراڵی بۆ ساڵی 2024، هاوکات بەپێی خەرجی راستەقینە، 618 ملیار دینار بۆ مانگی کانوونی دووەمی ساڵی 2024 ی هەرێمی کوردستان بنێرێت.
لەگەڵ ئەوەشدا، ئەنجوومەنی وەزیرانی عێراق، بڕیاری پەسەندکردنی خاوەندارێتی ڕووبەری (4500) مەتر دووجایدا، لە ڕووبەری ژمارە (100/4) کە دەکەوێتە ناوچەی سێکانیان لە پارێزگای کەرکوک، بۆ ئەبرەشیەی کەرکوک و سلێمانی بۆ کلدانییەکان، هەروەها کەمکردنەوەی 50٪ لە بەهای ڕاستەقینەی خۆی، سەرباری کوژاندنەوەی 50٪ی ئەوەی ماوە، دوای هەڵسەنگاندنی نرخەکەی لە فەرمانگەی خانووبەرەی دەوڵەت.
