کەشى پێشبینیکراوى ئەمڕۆ و سبەی ڕاگەیەندرا

K24 - هەولێر

بەشی پێشبینی لە بەڕێوەبەرایەتیی گشتیی کەشناسی و بوومەلەرزەزانی سەر بە وەزارەتی گواستنەوە و گەیاندن، لە ڕاگەیەندراوێکدا کەشى پێشبینیکراوى 48 کاتژمێرى داهاتووی لە هەرێمی کوردستان راگەیاند.

بە گوێرەی ڕاگەیەندراوەکە، کەشی ئەمڕۆ یەکشەممە، 14-04-2024، "ئاسمان ساماڵ و پەڵە هەور دەبێت بە گشتى". پلەکانی گەرماش، بەراورد بە تۆمارکراوەکانی دوێنێ کەمێک بەرزدەبنەوە.

لەبارەی کەشی سبەی دووشەممەش، 15-04-2024، لە ڕاگەیەندراوەکەدا هاتووە: "ئاسمان نیمچە هەور دەبێت. لەسەر بەشێک لە ناوچە شاخاوییە بەرزەکانى سنوورى پارێزگاى دهۆک ئەگەرى نمە بارانى کورت خایەن و هەورە تریشقە هەیە". پلەکانی گەرماش، نزم دەبێتەوە بە نزیکەى (1-3) پلە بەراورد بە تۆمارکراوەکانی ئەمڕۆ.

بەرزترین پلەکانی گەرمای پێشبینیکراو بە پلەی سیلیزی

هەولێر: 25 

سلێمانی: 24

دهۆک: 24

زاخۆ: 25

هەڵەبجە: 26

کەرکووک: 28

سۆران: 24

حاجی ئۆمەران: 14

گەرمیان: 30