عومرەکارێکی کورد لە مەککە کۆچی دوایی کرد
K24 - هـەولێر
عومرەکارێکی کوردی تەمەن 64 ساڵی دانیشتووی شاری دهۆک لە شاری مەککە کۆچی دوایی کرد.
مەهدیە تەمەر ئەسکەندەر، تەمەن 64 ساڵ، کە بۆ عومرە، چووبووە شاری مەککە ، دوانیوەڕۆی ئەمڕۆ سێشەممە، 16-04-2024، هەر لەوێ کۆچی دوایی کرد.
هەر ئەمڕۆ سێشەممە، لە مەککە نوێژی مردوو لەسەر ئەو عومرەکارە کوردە دەکرێت و سبەی چوارشەممە، 17-04-2024، یەکەم رۆژی پرسەکەی دەبێت لە مزگەوتی "غوفران"ـی شاری دهۆک.
بە گوێرەی ئامارەکانی بەڕێوەبەرایەتیی حەج و عومرەی هەرێمی کوردستان؛ له سەرەتای دەستپێکی وەرزی عومرەوە تاوەکو ئێستا، 14 عومرەکاری کورد لە سعوودیە کۆچی دواییان کردووە کە پێنجیان پیاو و حه‌وتیان ژن بوون.