نێچيرڤان بارزانى سه‌رى ساڵى ئێزدييان پيرۆز ده‌كات
K24 - هەولێر:
ب هه‌لكه‌فتا هاتنا جه‌ژنا سه‌رساڵا ئێزدیان، نێچیرڤان بارزانی په‌یامه‌كه پیرۆزباهیێ راستی ته‌ڤایا په‌یڕه‌وێن ئۆلا ئێزیدیان له كوردستان و عێراق و جیهانی كر و هیڤیا ساڵه‌كه پر خێر و خوه‌شی ژێره خوه‌ستن.
ئه‌ڤ ژی ته‌كستا په‌یاما پیرۆزباهیا نێچیرڤان بارزانی، سه‌رۆكێ هه‌رێما كوردستانێ یه ژبۆ جه‌ژنا سه‌رساڵا ئێزیدیان:
جه‌ژنا سه‌رسالا ئێزدييان ل هه‌مى خوشك و برا و هه‌ڤوه‌لاتى يێن مه يێن ئێزدى ل كوردستانێ و عێراقێ و ل هه‌ر ده‌ره‌كا جيهانێ بن، ب گه‌رمى پيرۆز دكه‌م. هيڤيا ده‌ربازكرنا جه‌ژن و بێهنڤه‌دانه‌كا ئارام و ته‌نا و ساله‌كا تژى خۆشى و سه‌ركه‌فتن بۆ هه‌ميا دخوازم.
د ڤێ هه‌لكه‌فتنێدا جاره‌كا دى ئه‌م هه‌مى هه‌ڤوه‌لاتى يێن مه يێن ئێزدى پشتڕاست دكه‌ين كو پشته‌ڤانيا مه و سازى يێن هه‌رێما كوردستانێ ژبۆ ماف و داخوازێن وان يێن ڕه‌وا، هه‌روه‌سا کارێ ئۆفیسا مه یێ ڕزگارکرنا ڕه‌ڤاندی یێن ئێزدی هه‌تا دووماهیێ دێ به‌رده‌وام بيت.
سه‌رسال پيرۆز بيت، هه‌رسال ب خێر و خۆشى.
نێچيرڤان بارزانى
سه‌رۆكێ هه‌رێما كوردستانێ
2024/4/16
