کەشناسی: سبەی پلەکانی گەرما بەرز دەبنەوە

K24 – هەولێر:

بەشی پێشبینی لە بەڕێوەبەرایەتیی گشتیی کەشناسی و بوومەلەرزەزانی سەر بە وەزارەتی گواستنەوە و گەیاندن، ڕایگەیاند، سبەی ئاسمان ساماڵ و پەڵە هەور دەبێت و پلەکانی گەرماش بەراورد بەمڕۆ بەرز دەبنەوە.

ئەمڕۆ چوارشەممە (24ـی نیسانی 2024) بەشی پێشبینی لە بەڕێوەبەرایەتیی گشتیی کەشناسی و بوومەلەرزەزانی سەر بە وەزارەتی گواستنەوە و گەیاندنی حکومەتی هەرێمی کوردستان، پێشبینی کەشوهەوای ئەمڕۆی بڵاوکردەوە و رایگەیاند، سبەی ئاسمان ساماڵ و پەڵە هەور دەبێت.

ئاماژەی بەوەدا، سبەی ئەگەری تۆز و خۆڵ هەیە لە بەشێک ناوچەی باشووری پارێزگای کەرکووک و بەشێک لە ئیدارەی سەربەخۆی گەرمیان، هاوکات پلەکانی گەرمای سبەینێ بەراور بە ئەمڕۆ بەرز دەبنەوە.

بەرزترین پلەکانی گەرمای پێشبینیکراو بە پلەی سیلیزی:

هەولێر: 32

سلێمانی: 30  

دهۆک: 32

زاخۆ: 32

هەڵەبجە: 33

کەرکووک: 37

سۆران: 31

حاجی ئۆمەران: 20

گەرمیان: 38