بە وێنە؛ پێشوازیکردن لە سەرۆک بارزانی لە فڕۆکەخانەی نێودەوڵەتیی بەغدا

کاتژمێر 11:20 خولەکی پێشنیوەڕۆی ئەمڕۆ چوارشەممە، 03-07-2024، سەرۆک مەسعود بارزانی بە یاوەری شاندێکی باڵای هەرێمی کوردستان گەیشتە فڕۆکەخانەی نێودەوڵەتیی بەغدا و لەلایەن محەممەد ئەلتەمیم و فواد حوسێن، جێگرانی سەرۆکوەزیران و ژمارەیەک لە بەرپرسە حکوومی و سیاسیەکانی عێراق پێشوازیی لێ کرا.

بە گوێرەی ڕاگەیەندراوی بارەگای بارزانی، سەردانەکەی سەرۆک بارزانی دوو ڕۆژ دەخایەنێت و لە شاری بەغدا، زنجیرەیەک کۆبوونەوە لەگەڵ لایەنە فەرمی و سیاسییەکانی عێراق دەکات و دیداری لەگەڵ سەرکردە سیاسیەکان دەبێت. کاتژمێر 01:00ـی دوای نیوەڕۆ، لەگەڵ محەممەد شیاع سوودانی، سەرۆکوەزیرانی عێراق و داوتر کاتژمێر 02:00 لەگەڵ هاوپەیمانیی بەڕێوەبردنی دەوڵەت کۆ دەبێتەوە.