بە بڕیاری سەرۆکوەزیران مەسرور بارزانی ماڵەکانی دوو گەڕەکی کەلار بە پێدانی زەوی قەرەبوو دەکرێنەوە
K24 – هەولێر:
بە بڕیاری سەرۆکی حکوومەتی هەرێمی کوردستان، هەردوو گەڕەکی لیوا ڕەشەکە و جەمەلۆنەکەی قەزای کەلار بە پێدانی پارچە زەوییەک قەرەبوو دەکرێنەوە.
حکوومەتی هەرێمی کوردستان بڵاوی کردەوە: بە بڕیاری مەسرور بارزانی، سەرۆکی حکوومەتی هەرێمی کوردستان، هەردوو گەڕەکی لیوا ڕەشەکە و جەمەلۆنەکەی قەزای کەلار کە لە 163 ماڵ پێکهاتوون، هەریەکە بە پارچەیەک زەویی 200 مەتری، قەرەبوو دەکرێنەوە.
هەروەها حکوومەتی هەرێمی کوردستان ئاماژەی بەوەشکردووە: ئێستا سەرجەم ڕێکارەکانی قەرەبووکردنەوەیان کۆتایی هاتووە و لە نزیکترین کاتدا زەوییەکانیان پێدەدرێت.
