بەغدا.. دەست بەسەر 200 هەزار حەبی کاپتاگۆندا گیرا 

K24 – هەولێر:

لە بەغدا دەست بەسەر 200 هەزار حەبی کاپتاگۆندا گیرا  و تۆڕێکی نێودەوڵەتیی ماددەهۆشبەرەکانیش دەستگیر کرا .

دەزگای ئاسایشی نیشتمانیی عێراق بڵاوی کردەوە، هێزە ئەمنییەکان لە بەغدا سێ بازرگانی  نێودەوڵەتیی ماددەهۆشبەرەکانیان دەستگیرکردووە کە 200 هەزار حەبی جۆری کاپتاگۆنیان پێ بووە.

دەزگاکە باسی لەوەش کرد: سێ بازرگانەکە ویستوویانە بە تێکەڵکردن و گواستنەوەی لەکیسەی برنجدا بازرگانی بە حەبەکان بکەن.

بەپێی ئامارەکان لە حەوت ساڵی ڕابردوودا ئاڵودەبوون لە عێراق بە ڕێژەی 40% زیادی کردووە و بازرگانانی ماددەی هۆشبەریش بەرێژەی 30% زیادی کردووە.