پزیشکیان؛ سەرکۆماریی ئەرکێکی گرانی سەرشانمە
ئەمڕۆ یەکشەممە 28ی تەممووزی 2024، ڕێوڕەسمی سوێندخواردنی مەسعود پزیشکیان بۆ چواردەهەمین خولی سەرۆککۆماریی ئێران لە حسێنییەی ئیمام خومەینی لە تاران، بەڕێوە چوو.
ڕێوڕەسمی سوێندخواردنەکە بە گوێرەی بڕگەی 9 لە ماددەی 110 دەستووری کۆماری ئیسلامی ئێران، بە ئامادەبوونی ڕێبەری ئینقلابی ئیسلامی و ژمارەیەکی زۆر لە بەرپرسانی ئێران لە هەردوو بەرەی ڕێفۆرمخوازان و نەریتخوازەکان، لەگەڵ ژمارەیەک لە نوێنەرانی وڵاتان بەڕێوە چوو.
پزیشکیان، لە گوتاری ڕێوڕەسمی سوێندخواردنەکەیدا گوتی: خەڵک بە ئاگایی دەنگیان دا و بارگرانییەکی قورسیان خستە سەر شانی من و ئێستاش ڕێبەری باڵا بە ڕەزامەندی لەسەر دەنگی گەل و ئیمزاکردنی بڕیاری دەستبەکاربوونی سەرۆکایەتی، بەرپرسیارێتییەکی گەورە خستووەتە سەر شانی من بەرانبەر بە هەموو گەلی ئێران
سەرۆککۆماری نوێی ئێران گوتیشی: ئەوەی دەستوور دایناوە ڕێگایەکی ڕوونە و ڕێبەری باڵاش خەجت دەکاتەوە کە تێڕوانینی کۆماریی ئیسلامیی ئێران و دەستوورەکەی ئەوەیە دەبێت بەردەوامین لە بەرەو پێشچوون.
پزیشکیان لە گوتارەکەیدا ڕایگەیاند "دیدگەی ئێران، دید و تێڕوانینی وڵاتێکی پێشکەوتووە لەسەر بنەمای ئەخلاقی، کەرامەت و زانیاری پێشکەوتوو و بە پشتبەستن بە سەرچاوە مرۆییەکان".