گشتی

ڤیدیۆ؛ شازادەی جێنشینی ئوردن بووە باوک

شازادەی جێنشینی ئوردن و هاوسەرەکەی
شازادەی جێنشینی ئوردن و هاوسەرەکەی
رۆژهەڵاتی ناوەڕاست ئوردن منداڵ

شازادەی جێنشینی ئوردن بووە باوکی کچێک و ناوی نا "ئیمان".

دیوانی پاشایەتیی ئوردن لە ڕاگەیەندراوێکدا ڕایگەیاند، ئەمڕۆ شەممە، 03-08-2024، شازادەی جێنشین، حوسێنی کوڕی شا عەبدوڵڵای دووەم و شازە ڕەجوە حوسێنی هاوسەری، بوونەتە خاوەنی کچێک و ناویان لێ ناوە "ئیمان".

هەر بەو بۆنەیەوە، دیوانی پاشایەتیی ئوردن پیرۆزباییەکی گەرم ئاراستەی شازادەی جێنشین، هاوسەرەکەی و شا عەبدوڵلای دووەم، شا ی شانشینەکە دەکات و هیوای تەمەندرێژی بۆ "ئیمان"ـی تازە لە دایکبوو دەخوازێت.

هاوکات، شازادەی جێنشنینی ئوردن، لە هەژماری خۆی لە تۆڕی کۆمەڵایەتیی ئینستگرام، پۆستێکی کردووە و تێیدا سوپاسی خوای گەورەی کردووە کە کچێکی پێ بەخشیوە و لە خوای گەورە داواکارە تەمەنی کچەکەی درێژ بکات و بەردەوام تەندروست بێت.

هاوکات، شازادەی جێنشینی ئوردن، لە پۆستێکی دیوانی پاشایەتیی ئوردن، لە تۆڕی کۆمەڵایەتیی ئێکسدا دەردەکەوێت کە بە گوێی کچەکەیدا بانگ دەدات.