بە بڕیاری سەرۆکوەزیران مەسرور بارزانی، باج لەسەر چەند شوێنێک هەڵگیران
حکوومەتی هەرێمی کوردستان ئاشکرای دەکات، بە بڕیاری سەرۆکوەزیران مەسرور بارزانی، باج لەسەر چێشتخانە و هۆتێل، نەخۆشخانەی تایبەت، سەموونخانە و نانەواخانەکان هەڵگیران.
چوارشەممە 7ـی ئابی 2024، فەرمانگەی مێدیا و زانیاریی حکوومەتی هەرێمی کوردستان بڵاوی کردەوە، لەسەر بڕیاری پێشووتری مەسرور بارزانی، سەرۆکی حکومەتی هەرێمی کوردستان و بەپێی ڕێنمایی وەزارەتی دارایی و ئابووری، باج لەسەر چێشتخانە، هۆتێل، نەخۆشخانەی تایبەت، سەموونخانە و نانەواخانەکان هەڵگیران.
