کەشناسیی هەرێمی کوردستان: سبەینێ هەوا فێنک دەبێت

K24 – هەولێر:

بەشی پێشبینی لە بەڕێوەبەرایەتی گشتیی کەشناسیی و بوومەلەرزەزانی سەر بە وەزارەتی گواستنەوە و گەیاندن، ڕایگەیاند، سبەینێ ئاسمان ساماڵ دەبێت و لە هەندێک ناوچەش پەڵەهەور دەبێت، پلەکانی گەرماش بەراورد بە تۆمارەکانی ئەمڕۆ نزم دەبنەوە.

چوارشەممە 21ـی ئابی 2024، بەشی پێشبینی لە بەڕێوەبەرایەتی گشتیی کەشناسیی و بوومەلەرزەزانی سەر بە وەزارەتی گواستنەوە و گەیاندنی حکوومەتی هەرێمی کوردستان، پێشبینی کەشوهەوای سبەینێی بڵاو کردەوە و ڕایگەیاند: سبەینێ پلەکانی گەرما نزم دەبێتەوە بە (2-3) پلە بەراوورد بە تۆمارکراوەکانی ئەمڕۆ.

لە ڕاگەیەندراوەکەدا ئاماژە بەوە کراوە، سبەینێ ئاسمان ساماڵ دەبێت، هەروەها لە هەندێک ناوچەش پەڵەهەور دەبێت.

بەرزترین پلەکانی گەرمای پێشبینیکراو بە پلەی سیلیزی:

هەولێر: 42

سلێمانی: 40

دهۆک: 40

کەرکووک: 43

هەڵەبجە: 42

زاخۆ: 42

سۆران: 40

حاجی ئۆمەران: 30

گەرمیان: 45