بەڕێوەبەرایەتی گشتیی خانەنشینی وەزارەتی دارایی و ئابووریی ئاگادارییەکی بڵاو کردەوە

ئەمڕۆ دووشەممە 26ـی ئابی 2024، بەڕێوەبەرایەتیی خانەنشینی وەزارەتی دارایی و ئابووری لە ڕاگەیەندراوێکدا ڕایگەیاند، هەر خانەنشینێک بایۆمەتری نەکردووە، لە ماوەی دوو هەفتەدا خۆی لە بایۆ مەتری تۆمار بکات.

ئاگادارییەکە لە چەند خاڵێک خۆی دەگرێتەوە؛

1- هەر خانەنشینێك بایۆمەتری نەكردووە،پێویستە لە ماوەی دوو هەفتەدا خۆی لە بایۆمەتری تۆمار بكات.

2- هەر خانەنشینێك بایۆمەتری كردووە و نەیگەڕاندووەتەوە، پێویستە لە ماوەی دوو هەفتەدا بایۆمەترییەكەی بگەڕێنێتەوە بۆ فەرمانگەی خانەنشینیی پەیوەندیدار.

3- هەر خانەنشینێك لەماوەی دوو هەفتەدا بایۆمەتری نەكردبێت و نەیگەڕێنێتەوە بۆ فەرمانگەی خانەنشینیی پەیوەندیدار، بەپێچەوانەوە مووچەكەی ڕادەگیرێت.

بەڕێوەبەرایەتی گشتیی خانەنشینی وەزارەتی دارایی و ئابووری.

26/8/2024