بە بۆنەی یادی لەدایکبوونی پێغەمبەری ئیسلام (د.خ) سەرۆک بارزانی په‌یامێكی پیرۆزبایی بڵاو كرده‌وه
K24 – هەولێر:
سەرۆک بارزانی، بەبۆنەی یادی لەدایکبوونی پێغەمبەری ئیسلام گەرمترین پیرۆزبایی لە سەرجەم موسڵمانانی کوردستان، عێراق و جیهان دەکات، هاوکات لە خودای گەورە داواکارە دەرگەی ڕەحمەت و بەرەکەت بۆ گەلی کوردستان و سەرجەم گەلانی ناوچەکە بکرێتەوە.
شەممە 14ـی ئەیلوولی 2024 سەرۆک بارزانی بەبۆنەی یادی لەدایکبوونی پێغمەبەری ئیسلام محەممەد درودی خودای لەسەر بێت، پەیامێکی بڵاو کردەوە تێیدا هاتووە، بە بۆنەی جەژنی مەولود و لەدایکبوونی پێغەمبەری مەزن حەزرەتی محەممەد مستەفا (درودی خوای لەسەر بێت) گەرمترین پیرۆزبایی لە سەرجەم موسڵمانانی کوردستان و عێراق و هەموو جیهان دەکەم.
لە بەشێکی دیکەی پەیامەکەی سەرۆک بارزانیدا هاتووە، لە خودای گەورە داواکارین لەم بۆنە پیرۆزەدا دەرگەی ڕەحمەت و بەرەکەت بۆ گەلی کوردستان و سەرجەم گەلانی ناوچەکە بکاتەوە و خێر و ئاشتی و پێکەوەژیان سەرانسەری جیهان بگرێتەوە.
دەقی پەیامەکەی سەرۆک بارزانی:
بەناوی خودای بەخشندە و میهرەبان
بە بۆنەی یادی مەولود و لەدایکبوونی پێغەمبەری مەزن حەزرەتی محەمەدولمستەفا (درودی خوای لەسەر بێت) گەرمترین پیرۆزبایی لە سەرجەم موسڵمانانی کوردستان و عێراق و هەموو جیهان دەکەم.
لەخودای گەورە داوکارین لەم بۆنە پیرۆزەدا دەرگەی ڕەحمەت و بەرەکەت بۆ گەلی کوردستان و سەرجەم گەلانی ناوچەکە بکاتەوە و خێر و ئاشتی و پێکەوەژیان سەرانسەری جیهان بگرێتەوە.
والسلام علیکم و رحمة الله و بركاته
مسعود بارزانی
١١ ربيع الأول ١٤٤٦
١٤ی ئەیلوولی ۲٠۲٤
