بەلەمێکی کۆچبەران لە نۆکەندی ئینگلیز نقوم بوو
بەلەمێکی کۆچبەران لە نۆکەندی ئینگلیز نقووم بوو، بەپێی زانیارییە سەرەتاییەکان، بەلەمەکە نزیکەی پەنجا کۆچبەری لەسەر بووە، 40 لەو کۆچبەرانە لەلایەن پۆلیسی فەرەنساوە ڕزگار کراون، تەرمی گەنجێکی تەمەن 20 ساڵەش بەناوی دیار کامەران دۆزراوەتەوە.
بەپێی زانیارییەکان، دوێنێ شەو 14ـی ئەیلوولی 2024، بەلەمێکی کۆچبەران کە نزیکەی پەنجا کۆچبەری لەسەر بووە، لە فەرەنساوە بۆ بەریتانیا بەڕێ کەوتووە، لە نۆکەندی ئینگلیز بەلەمەکە نقووم بووە و تا ئێستا نزیکەی 40 کۆچبەر ڕزگارکراون.