سکرتێری گشتی ناتۆ: بۆ بنیاتنانی هێزێکی تۆکمە لەگەڵ هەرێمی کوردستان کارمان کردووە

سکرتێری گشتی ناتۆ بە کوردستان24ـی ڕاگەیاند: لەگەڵ هەرێمی کوردستان کاریان بۆ بنیاتنانی هێزێکی تۆکمە کردووە.

مارک رووتە، سکرتێری گشتی ناتۆ بە کوردستان24ـی  ڕاگەیاند: لە نزیکەوە لەگەڵ هەرێمی کوردستان و عێراق بەگشتی کاریان بۆ بنیاتنانی هێزێکی ئەمنی تۆکمە بۆ ڕووبەڕووبوونەوەی داعش کردووە، گوتی:  گرنگیی تەواو بە سەروەریی عێراق دەدەین و لە نزیکەوە کار لەگەڵ دەسەڵاتدارانی هەرێمی کوردستان و عێراق دەکەین.

مارک رووتە گوتیشی: چاومان لەسەر هێزەکانمان دەبێت کە بۆ ڕووبەڕووبوونەوەی داعش لە عێراقن و کاری پێویست بۆ پارێزگاریی کردن لێیان دەگرینە بەر.