تورکیا: له‌ هه‌فته‌یه‌كدا 58 چه‌كداری په‌كه‌كه‌ و یه‌په‌گه‌ كوژراون

K24 – هەولێر:

وەزارەتی بەرگریی تورکیا دەڵێت، لەماوەی هەفتەیەکدا 58 چەکداری پەکەکە و یەپەگەیان کوشتووە و ڕژدیشن لە بەردەوامیی ئۆپەراسیۆنەکان.

زەکی ئاکتورک، بەرپرسی ڕاگەیاندن و پەیوەندییەکانی وەزارەتی بەرگریی تورکیا لە کۆنفرانسی رۆژنامەوانیی هەفتانەیدا رایگەیاند، لە ماوەی هەفتەیەکدا لە ئۆپەراسیۆنە بەردەوامەکاندا 58 چەکداری پەکەکە و یەپەگە کوژراون.

هاوکات جەختیش لە بەردەوامبوونی ئۆپەراسیۆنەکان کراوەتەوە بەوەی ڕژدن لەسەر لەناوبردنی پەکەکە و یەپەگە لە سەرچاوەکەیانەوە.

بەرپرسی ڕاگەیاندن و پەیوەندییەکانی وەزارەتی بەرگریی تورکیا ،ئاماژەی بەوە دا، لە دەستپێکی ئەم ساڵەوە تا ئێستا دوو هەزار و 107 تیرۆریست لەچالاکی خراون.