منداڵێكی فرۆشراوی ئێزدی دوای 2 ساڵ بە كەسوكارەكەی شاد دەبێتەوە
بە 500 دۆلار بە خیزانێكی عەرەب فرۆشرابوو
K24 - ھەولێر
خێزانێكی عەرەب منداڵێكی 6 ساڵەی ئێزدی پاش دوو ساڵ بۆ كەسوكارەكەی دەگەڕێننەوە، كە لە داعش كڕیویانە.
ئاژانسی رویتەرز بە بڵاوكردنەوەی ڤیدیۆیەك رادەگەیەنێت ئەو خێزانە عەرەبە منداڵیان نییە و لە گوندێكی شارۆچكەی تەلەعفەر دژین.
ژنەكە لەمبارەوە دەڵێت ئەو منداڵەی بە 500 دۆلار لە داعش كڕیوە و لەبەر ئەوەی منداڵی نەبووە، وەك منداڵی خۆی بەخێوی كردووە.
ئەمیر ناوی ئەو منداڵە ئێزدییە، ساڵی 2014 كاتێ ھێرشی داعش بۆ سەر شنگال 4 ساڵی بووە و لە دایك و باوكی دابڕا.
ئێستا لەگەڵ مام و باپیری دەژیت، كە ھێشتا چارەنووسی دایك و باوكی دیار نییە.
كاتێ كۆنترۆڵكردنی ئەو گوندە لە لایەن ھێزەكانی عێراق، بوونی ئەو منداڵە لەو گوندە ئاشكرا بوو و لە لایەن ھێزەكانی عێراق رادەستی كەسوكارەكەی كرا.
JS
