قۆناغی دووەمی گۆڕانكارییەكانی نێو پارتی دەست پێدەكات

K24 - ھەولێر

لەچوارچێوەی پڕۆژە چاکسازی بارزانی، قۆناغی دووەمی گۆرانکارییەکانی دەست پێدەکات، بەپێی ئەو پڕۆژەیەش ژمارەیەك بەرپرسانەی حکوومەتیش دەگرێتەوە، کادرانی گەنجی ئەو  حزبەش داوا دەکەن لە گۆرانکارییەکان چینی گەنجانیش بھێنرێنە پێشەوە و پۆستی باڵایان پێبدرێت.

ئەندامێكی سەرکردایەتی پارتی دیموکراتی کوردستان بۆ كوردستان24 ئاشكرای دەكات: "گۆڕانكارییەكانی نێو حكوومەت پەیوەستە بەو رێككەوتنە سیاسییەی ئێستا لەگەڵ لایەنەكانی دیكە كاری لەسەر دەكەین".