پێشمه‌رگه په‌لامارێكى داعش تێكده‌شكێنێت
په‌لامارێكى چه‌كدارانى داعش بۆ سه‌ر سه‌نگه‌ره‌كانى پێشمه‌رگه له به‌ره‌به‌يانى ئه‌مڕۆدا تێكشكێنرا.
K24 – هه‌ولێر:
په‌لامارێكى چه‌كدارانى داعش بۆ سه‌ر سه‌نگه‌ره‌كانى پێشمه‌رگه له به‌ره‌به‌يانى ئه‌مڕۆدا تێكشكێنرا.
به گوێره‌ى زانيارى فه‌رمانده مه‌يدانييه‌كانى هێزى پێشمه‌رگه، كاتژمێر 03:00ى به‌ره‌به‌يانى ئه‌مڕۆ چه‌كدارانى داعش په‌لامارى سه‌نگه‌ره‌كانى پێشمه‌رگه‌يان له به‌رزاييه‌كانى گڕاو له رۆژهه‌ڵاتى مه‌خموور داوه.
له به‌رامبه‌ردا هێزى پێشمه‌رگه لێيان هاتوونه‌ته ده‌ست و دواى 40 خوله‌ك له به‌رگرى هێزه‌كانى پێشمه‌رگه، چه‌كدارانى داعش به شكاوى گه‌ڕاونه‌ته‌وه.
فه‌رمانده مه‌يدانييه‌كانى هێزى پێشمه‌رگه روونيشيان كرده‌وه، له‌و شه‌ڕه‌دا هێزى پێشمه‌رگه هيچ زيانێكى به‌رنه‌كه‌وتووه و چه‌كدرانى داعش كوژرا و برينداريان هه‌بووه.