نزیكەی 6 ھەزار كۆچبەر لە دەریای ناوەڕاست رزگار دەكرێن
"ئەمساڵ زیاتر لە 20 ھەزار كۆچبەر لە رێگەی دەریاوە گەیشتوونەتە وڵاتانی ئەوروپا"
K24 - ھەولێر
بەپێی ئامارێك لە چەند رۆژی رابردوودا نزیكەی شەش هەزار کۆچبەر لە دەریای ناوەڕاستەوە رزگار كراون.
رێکخراوی نێودەوڵەتی کۆچبەران ئاشكرای كرد، لە ماوەی چەند رۆژی رابردوودا نزیکەی شەش هەزار کۆچبەر لەسەر رێڕەوی سەرەکی نێوان باکووری ئەفریقا و ئیتالیا رزگارکراون.
رێکخراوەکە ئاماژەشی بەوەدا لەگەڵ باشبوونی کەش و هەوادا و بەرزبوونەوەی پلەی گەرما ژمارەیەکی زیاتر رێگای ئاویی بەکاردەهێنن بۆ گەیشتن بە وڵاتانی ئەوروپا.
لەمساڵدا زیاتر لە 20 ھەزار و 400 كۆچبەر تاکو ئێستا لە رێگەی دەریاوە گەیشتوونەتە ئەوروپا، بە بەراورد لەگەڵ ساڵی پاردا رێژەکە بەرزبووەتەوە.
ئەمە لەكاتێكدایە ساڵانە ژمارەیەكی زۆر لە كۆچبەران لە رێگەی گەیشتن بە وڵاتانی ئەوروپا و ئەمریكا گیان لە دەستدەدەن.