لە خانەقین باوك و كوڕێك كوژران
كارمەندی ئاسایش بوون
K24 - گەرمیان
شەوی رابردوو لە گوندێكی سنووری خانەقین باوك و كوڕێك لەلایەن چەند كەسێكی نەناسراو كوژران.
بە گوێرەی زانیارییەكانی پەیامنێری كوردستان24: "شەوی رابردوو لە گوندی عەلی بەگ لە سنووری خانەقین چەند چەكدارێكی نەناسراو چوونەتە سەرماڵێك و باوك و کورێكیان كوشتووە".
پەیامنێرمان روونیكردەوە: "باوکەكە بەناوی سابیرە و كوڕەكەشی ناوی عەمارە ھەردووكیان كارمەندی ئاسایشی گەرمیان بوون و لە نەتەوەی عەرەبن".
بۆ زانیاری زیاتر پەیامنێری كوردستان24 پەیوەندی بە ئاسایشی گەرمیانەوەكرد، بەڵام بەرپرسانی ئاسایش ئامادەنەبوون لێدوان لەبارەی رووداوەكە بدەن.
