به ڤيديۆ.. سوپاى ئه‌سه‌د: دێرزوور كۆنترۆڵ كرا
هێزه‌كانى توانيويانه شارۆچكه‌ى دێرزوور به ته‌واوى كۆنترۆڵ بكه‌ن.
K24 – هه‌ولێر:
سوپاى سووريا رايگه‌ياند، هێزه‌كانى توانيويانه شارۆچكه‌ى دێرزوور به ته‌واوى كۆنترۆڵ بكه‌ن.
ته‌له‌ڤزيۆنى حكومه‌تى سووريا ئه‌مڕۆ هه‌ينى رايگه‌ياند، هێزه حكومييه‌كان كۆنترۆڵى گه‌ڕه‌كه‌كانى دێرزووريان كردووه.
كه‌ناڵه‌كه ديمه‌نى ئه‌و كۆگايانه‌ى چه‌ك و ته‌قه‌مه‌نى پيشاندا كه چه‌كدارانى داعش له گه‌ڕه‌كى ره‌شيدييه به‌جێيان هێشتووه.
سه‌رچاوه سه‌ربازييه‌كانى سووريا ده‌ڵێن: كۆنترۆڵكردنى شارۆچكه‌كه دواى ئه‌وه دێت، كه تۆپخانه‌كانى سوپا بڕستيان له چه‌كداره‌كان بڕيوه و زۆرێك له چه‌كه قورسه‌كانيان له‌ناوبراوون.