سه‌رۆكى نووسينگه‌ى خامه‌نه‌ئى: قاسم سوله‌يمانى نامه‌يه‌كى سى ئاى ئه‌ى ره‌تكردووه‌ته‌وه
له ميانى شه‌ڕى ئه‌لبوكه‌مالدا ئه‌مريكا خه‌ريكى چى بووه
K24 – هه‌ولێر:
محه‌ممه‌د گوڵپايه‌گانى سه‌رۆكى نووسينگه‌ى رابه‌رى باڵاى كۆمارى ئيسلامى ئێران رايگه‌ياند، ليوا قاسم سوله‌يمانى فه‌رمانده‌ى فه‌يله‌قى قودسى سوپاى پاسداران له ميانى شه‌ڕى ئه‌لبوكه‌مالى سووريا ره‌تيكردووه‌ته‌وه نامه‌ى به‌ڕێوبه‌رى سى ئاى ئه‌ى ئه‌مريكا وه‌ربگرێت.
ئاژانسى هه‌واڵده‌رى فارس له زارى گوڵپايه‌گانى بڵاويكردووه‌ته‌وه، به‌ڕێوبه‌رى هه‌واڵگرى ناوه‌ندى ئه‌مريكا "CIA"، له رێگه‌ى نێوه‌ندگيرێكه‌وه له كاتى شه‌ڕى ئه‌لبوكه‌مال نامه‌يه‌كى ئاراسته‌ى قاسم سوله‌يمانى كردووه، به‌ڵام سوله‌يمانى ره‌تيكردووه‌ته‌وه وه‌رى بگرێت.
ئه‌و به‌رپرسه ئێرانييه گوتيشى: قاسم سوله‌يمانى به نێوه‌ندگيره‌كه‌ى وتووه، نامه‌كه‌ت لێ وه‌رناگرم، ناشى خوێنمه‌وه، هيچ قسه‌يه‌كيشم نييه له‌گه‌ڵ ئه‌و كه‌سانه‌دا.