ئاواره‌كانی شنگال باس له‌و هێزانه ده‌كه‌ن كه بوونه‌ته به‌ربه‌ستی گه‌ڕانه‌وه‌یان
شنگالییه‌كان مه‌رجی گه‌ڕانه‌وه‌یان ئاشكرا ده‌كه‌ن
K24 - شنگال:
تا ئێستا بەشێكی زۆری ئاوارەكانی شنگال نەگەڕاونەتەوە شارەكەیان، ئەوان داوا لە پەكەكە و حەشد دەكەن، شارەكەیان چۆڵ بكەن، ئاوارەیەك بە چاوی گریانەوە دەڵێت، تا ئەو ھێزانە لەنێو شنگال بمێننەوه، ئەوانیش لە نێو چادردا ژیان دەكەن.
مەرجی سەرەكی ئاوارەكان بۆ گەڕانەوە، كشانەوەی ئەو ھێزانە و گەرانەوەی پێشمەرگە و ئیدارەی شەرعییە.
ئه‌گه‌رچی وه‌رزی زستان خه‌ریكه دێت و وه‌رزی بارانبارین ده‌ستیپێكردووه، به‌ڵام ئاواره‌كانی شنگال له ژیانی خۆیان له ژێر خێوه‌تی كه‌مپه‌كان به‌رده‌وامه و باسیش له‌وه ده‌كه‌ن، تا هێزه ناشه‌رعییه‌كان له‌وێ مابن، ناگه‌ڕێنه‌وه، مه‌به‌ستیشیان په‌كه‌كه و میلشیاكانی حه‌شده.
ژنێكی ئاواره رایده‌گه‌یه‌نێت، ئه‌وان نازانن كاری په‌كه‌كه چییه له شنگال و بۆچی له‌وێن، داواش ده‌كات به زووترین ئه‌و هێزه و میلیشیاكانیش حه‌شدیش ناوچه‌كانییان چۆڵ بكه‌ن.
ئ. م
