ئاگادارییه‌ك له به‌ڕێوه‌به‌رایه‌تی هاتووچۆی هه‌ولێره‌وه بۆ شۆفێران
به‌هۆی به‌فربارینه‌وه ئه‌م رێگه‌یه گیراوه
K24 - هه‌ولێر:
به‌ڕێوه‌به‌رایه‌تی پۆلیسی هاتووچۆی پارێزگای هه‌ولێر، ئاگاداری شۆفێران ده‌كاته‌وه، به‌هۆی به‌فربارین، رێگه‌ی (ده‌ربه‌ندی گۆمه‌سپان چیای سه‌فین هیران) گیراوه.
پۆلیسی هاتووچۆی پارێزگای هه‌ولێر شۆفێران ئاگادار ده‌كاته‌وه، رێگه‌ی به‌دیل، هیران – شه‌قڵاوه ده‌بێت و داواش ده‌كات شۆفێران پابه‌ندی داخستنی رێگه‌كه بن بۆ پاراستنی گیانی خۆیان
شه‌پۆلێكی سه‌رما و به‌فربارین هه‌رێمی كوردستان و ناوچه‌كه‌ی گرتووه‌ته‌وه و له زۆربه‌ی ناوچه شاخاوییه‌كانی هه‌رێمی كوردستان به‌فر باریوه.
پێشبینیش ده‌كرێت ئه‌و شه‌پۆله تا 24 كاتژمێری داهاتوو به‌رده‌وام بێت و به‌فر له نزیك شاره‌كانیش ببارێت.
ئ. م
