نەتانیاهو گاڵتە بە حەسەن نەسروڵا دەکات

K24 – هه‌ولێر:

بێنیامین نەتانیاهو، سەرۆک وەزیرانی ئیسرائیل لە تویتێکدا گاڵتە بە حەسەن نەسروڵا، ئەمینداری گشتی حزبوڵای لوبنانی دەکات و ڤیدیۆیەکی گاڵتە ئامێزی بڵاوکردووەتەوە.

سەرۆک وەزیرانی ئیسرائیل نووسیویەتی: "نەسروڵا بۆ ئەم دوو هۆکارە زۆر شەرمەزار بووە".

لە روونکردنەوەی خاڵەکانی نووسیویەتی: "لە شەش هەفتە ئەو تونێلانەمان لەناوبرد کە پارەیەکی زۆری تیایاندا خەرج کردبوو".

"هەروەها، سزاکانی سەرۆک ترەمپ بۆ ئێران، زیانی زۆری بە سەرچاوەی دارایی حزبوڵا گەیاندووە".

دەشڵێت: "نەسروڵا هۆکاری زۆرە کە نەیەوێت هەست بە بەهێزیی ئێمە بکات".

سوپای ئیسرائیل لە رێگای جووتیارێک توانی شەش تونێلی گەورەی حزبوڵا ئاشکرا بکات کە لە لوبنانەوە تا خاکی ئیسرائیل درێژەیان هەبوو و کەوتبوونە ناوچەیەکی کشتووکاڵی لە مێتولای ئیسرائیل.

بە گووتەی سوپای ئیسرائیل، ئەو رێکخراوە لوبنانییە نیازی هەبووە، سەرباز و هاووڵاتی ئیسرائیلی لە رێگای ئەو تونێلانە بکوژێت.

נסראללה במבוכה גדולה מ-3 סיבות:

תוך 6 שבועות הרסנו לו את המנהרות שבהן השקיע מאמץ אדיר בשנים האחרונות.

המדיניות שקידמנו לחידוש הסנקציות על איראן, שאומצה על ידי הנשיא טראמפ, פגעה קשות בכסף של חיזבאללה.

לנסראללה יש סיבות טובות לא לרצות להרגיש את העוצמה שלנו. pic.twitter.com/hdwVigdFZg

— Benjamin Netanyahu (@netanyahu) January 27, 2019

نەتانیاهو : کاردانەوەی نەسروڵا بە سەرکەوتنەکانمان

‌H.J