سەعدی ئەحمەد پیرە زانیاری لە بارەی کۆبوونەوەکەی سبەی ئاشکرا دەکات

K24 – هه‌ولێر:

گوتەبێژی یەكێتی دەڵێت، كۆبوونەوەی سبەی نێوان پارتی و یەكێتی گرنگە و بڕیاری گرنگیشی تێدا دەدرێت، سکرتێری مەکتەبی سیاسی پارتیش کێشەکان دەخاتەڕوو.

سەعدی پیرە، گوتەبێژی یەكێتی نیشتیمانیی کوردستان بە کوردستان24ی راگەیاند: "كۆبوونەوەی سبەی نێوان پارتی دیموكراتی كوردستان و یەكێتی نیشتمانیی كوردستان گرنگە و بڕیاری گرنگیشی تێدا دەدرێت".

 ئاماژەی بەوەش كرد، لەگەڵ پارتی بۆچوون و تێڕوانینیان نزیكن لە یەكەوە.

ئەمەش لەکاتێکدایە، فازڵ میرانی، سكرتێری مه‌كته‌بی سیاسی پارتی دیموكراتی كوردستان له‌باره‌ی گفتوگۆی لایه‌نه‌كان بۆ پێكهێنانی كابینه‌ی نوێی حكوومه‌تی هه‌رێمی كوردستان بە کوردستان24ی گووت:‌" لیژنه‌كانی دانووستان، كاری باشیان كردووه‌ و هیواداریشن‌ پێكهێنانی كابینه‌ی نوێ نه‌گاته‌ نه‌ورۆز".

راشیگەیاند: "کێشەی پارتی و یەکێتی ئەوەیە، یەکێتی دەیەوێت پرسەکانی بەغدا و هەولێر پێکەوە چارەسەر بکرێن، بەڵام پارتی دەیەوێت سەرەتا لە هەرێمی کوردستان رێککەوتن بکرێت پاشان پێکەوە بچنە بەغدا".

کۆبوونەوە و دیداری پارتە جیاوازەکان بۆ پێکهێنانی حکوومەت بەردەوامە، بەڵام تاکو ئێستا هیچ رێککەوتنێک نەکراوە، هاووڵاتیانیش، چاوەڕوانی ئەوەن، سبەی پارتی و یەکێتی، نەخشە رێگایەک بۆ پێکهێنانی کابینەی داهاتوو ئاشکرا بکەن.

فازڵ میرانی

H.J