ئۆلاند گه‌ڕایه‌وه فه‌ڕه‌نسا
ئۆلاند كۆتایی به گه‌شته‌كه‌ی بۆ هه‌رێمی كوردستان هێنا
K24 - هه‌ولێر:
رۆژی سێشه‌ممه 26ـی2ـی2019 سه‌رۆك مه‌سعود بارزانی له رێگه‌ی فڕۆكه‌خانه‌ی نێوده‌وڵه‌تی هه‌ولێر، فرانسوا ئۆڵاند سه‌رۆكی پێشووی فه‌ره‌نسا و دۆستی گه‌لی كوردستان و سه‌رۆك بارزانی به‌سوپاس و رێزه‌وه به‌ره‌و وڵاتی خۆی به‌ڕێكرد.
سه‌رۆك بارزانی سوپاس و به‌خێرهێنانی به‌ڕێز فرانسوا ئۆڵاندى كرد و هیوای خواست هه‌میشه وه‌ك دۆستێكی پرسی ڕه‌وای گه‌لی كوردستان و به‌رده‌وام بن له‌په‌یوه‌ندیی و سه‌ردانیكردنی كوردستان.
رۆژی دووشه‌ممه 25ـی2ـی2019 له كاتی سه‌ردانیكردنی هه‌ولێر، له سه‌لاحه‌ددین سه‌رۆك بارزانی پێشوازی له به‌ڕێز فرانسوا ئۆڵاند سه‌رۆكی پێشووی فه‌ره‌نسا و دۆستی گه‌لی كوردستان كرد و له دیدارێكیدا دووباره سوپاسی پشتیوانی فه‌ره‌نسا و خودی سه‌رۆك ئۆڵاند كرد و ستایشی ئه‌و هاوكاریی و په‌یوه‌ندییه‌ی كرد كه له شه‌ڕی دژ به تیرۆریستانی داعش پێشكه‌ش به كوردستانیان كرد.
له‌به‌رامبه‌ردا فرانسوا ئۆڵاند پێزانینی بۆ قاره‌مانێتی و بوێری و قوربانیدانی گه‌لی كوردستان و پێشمه‌رگه له‌شه‌ڕی دژ به داعش نیشاندا.
ئ. م
