به‌شێك له‌ رێگای شاخی شنروێ رۆدەچێت

K24 - هه‌ڵه‌بجه‌:

به‌هۆی بارانی به‌خوڕ، به‌شێك له‌ رێگه‌ی سه‌ره‌كی شاخی شنروێ، له‌ سنووری پارێزگای هه‌ڵه‌بجه‌ رۆده‌چێت و گرفت بۆ هاتووچۆ ده‌كات.

په‌یامنێری كوردستان 24 له‌ هه‌ڵه‌بجه‌ رایگه‌یاند، بەهــۆی ئەو شەپۆلە بارانه‌ی ناوچەکە گرتووه‌ته‌وه‌، بەشـێک لە رێگای شاخی شنروێ رۆچووە.

ئاماژه‌ی به‌وه‌ش كرد، داوا لە هاووڵاتیان و شۆفێران دەکرێت، بەو رێگایە هاتووچۆ نه‌كه‌ن، یان هاتوچۆ کەم بكه‌نه‌وه‌ بۆ ئەوەی رووداوی نه‌خوازراوی لێنه‌كه‌وێته‌وه‌.

ماوه‌یه‌كه‌ شه‌پۆلێكی بارانی به‌ خوڕ، هه‌رێمی كوردستان و ناوچه‌كه‌ی گرتووه‌ته‌وه‌ و به‌هۆیه‌وه‌ تا ئێستا زیان به‌ زۆرێك له‌ پرد و رێگه‌وبانه‌كانی هه‌رێمی كوردستان كه‌وتووه‌.

ئ. م