ئیسرائیل گوندێک بە ناوی ترەمپ و نەتەنیاهو لە بەرزاییەکانی جۆلان دروست دەکات

K24 – هه‌ولێر:

حکوومەتی ئیسرائیل لە بەرزاییەکانی جۆلان گوندێک دروست دەکات و ناوی دەنێت ترەمپ- نەتەنیاهو.

لە دانیشتنێکی لەگەڵ بەرپرسانی حکوومەتەکەی، بێنیامین نەتەنیاهو، سەرۆک وەزیرانی ئیسرائیل رایگەیاندووە: "بەڵێنم داوە لەسەر شەرەفی سەرۆک ترەمپ ناوچەیەکی نیشتەجێبوون دروست بکەین".

ئاشکراشیکردووە: "شوێنێکمان لە جۆلان دەستنیشان کردووە و لەوێ ناوچەکە دروست دەکەین".

دۆناڵد ترەمپ یەکەم سەرۆکی ئەمەریکایە کە بەرزاییەکانی جۆلانی بەشێک لە خاکی ئیسرائیل ناساندووە، لە کاتێکدا بەرزاییەکانی جۆلان ناوچەیەکی جێناکۆکی نێوان ئیسرائیل و سووریایە و دیمەشق بە بەشێک لە خاکی داگیرکراوی وڵاتەکەی دەزانێت.

بڕیارەکەی نەتەنیاهو لە لایەن حکوومەتی داهاتووی ئیسرائیل جێبەجێدەکرێت کە هێشتا بەهۆی گفتووگۆی لایەنەکان پێکنەهاتووە.

Sputnik

H.J