دوای به‌ده‌نگه‌وه‌هاتنی سه‌رۆك بارزانی كێشه‌ی گوندی په‌لكانه چاره‌سه‌ر كرا
دوای گرژی و ئاڵۆزییه‌كانی گوندی په‌لكانه
K24 - هه‌ولێر:
دوای گرژی و ئاڵۆزییه‌كانی گوندی په‌لكانه و درووستبوونی ناكۆكی له باره‌ی زه‌وی و زاری كشتووكاڵییه‌وه، هاووڵاتیانی ناوچه‌كه داوای به‌ده‌نگه‌وه‌هاتنیان له سه‌رۆك مه‌سعود بارزانی كرد و به‌و هۆیه‌وه كێشه‌كه‌یان چاره‌سه‌ر كرا.
كرمانج عه‌بدوڵڵا، به‌رپرسی لقی 23ـی پارتی دیموكراتی كوردستان، بۆ كوردستان24 رایگه‌یاند، "دوی ته‌داخولی سه‌رۆك مه‌سعود بارزانی دۆخی گوندی په‌لكانه چاره‌سه‌ر كرا".
گوتیشی: هاووڵاتییه ده‌ستگیركراوه كورده‌كان له لایه‌ن هێزه‌كانی عێراقه‌وه ئازاد كران و گه‌ڕانه‌وه ناو كه‌سوكاریان.
روونیشیكرده‌وه، ئه‌مڕۆ هاووڵاتییانی گوندی په‌لكانه داواییان له سه‌رۆك بارزانی كرد به هانایانه‌وه بچێت و كێشه‌كه‌یان بۆ چاره‌سه‌ر بكات.
