له‌ رووداوێكی هاتوچۆدا له‌سه‌ر رێگای خانه‌قین 4 كه‌س گیانیان له‌ده‌سدا و 7ی دیكه‌ش بریندار بوون

K24- خانه‌قین:

ئێواره‌ی ئه‌مڕۆ له‌ ئه‌نجامی رووداوێكی هاتوچۆدا له‌سه‌ر رێگای خانه‌قین - گوڵاڵه‌، 11 كه‌س گیانیان له‌ده‌ستدا و برینداربوون.

په‌یامنێری كوردستان 24 له‌ ناوچه‌كه‌ رایگه‌یاند، به‌هۆی پێكدادانی دوو ئۆتۆمبێلی جۆری مێتسۆبیشی گاڵانت و دۆج چارجه‌ر،‌ 4 كه‌س گیانیان له‌ده‌ستداوه‌ و 7ی دیكه‌ش بریندار بوون، كه‌ له‌ناویان ئافره‌ت و منداڵیش هه‌ن و برینداره‌كان ره‌وانه‌ی نه‌خۆشخانه‌ی باقوبه‌ كراون.

گوتیشی: دۆخی ته‌ندروستی به‌شێك له‌ برینداره‌كان ناجێگره‌ و مه‌ترسی له‌سه‌ر ژیانیان هه‌یه‌.

سه‌باره‌ت به‌ هۆكاری رووداوه‌كه‌ش رایگه‌یاند، تا ئێستا نازانرێت هه‌ڵه‌ی كام له‌ دوو شۆفێره‌كان بووه‌.

H.B