لە شاردێی گوڵاڵە دوو تەقینەوە روویدا

K24 – هه‌ولێر:

دوو تەقینەوە لە شارەدێی گوڵاڵە (جەلەولا) روویاندا و بەهۆیەوە کەسێک گیانی لەدەستدا و سێ کەسی دیکەش برینداربوون.

سەرچاوەیەکی ئەمنی لە ناحیەی گوڵاڵەی سەربە خانەقین بەکوردستان 24ی راگەیاند ، بەیانی ئەمڕۆ 30/06/2019، لە گوندی شێخ باوە سەر بە شارەدێی گوڵاڵە دوو بۆمب بە جووتیاراندا تەقیونەتەوە و بەهۆیەوە جووتیارێک گیانی لەدەستداوە و سیانی دیکەش برینداربوون.

ئەم دووتەقینەوەیە لەکاتێکدایە، شەوی رابردوو سێ چەکداری حەشدی شەعبی بەھۆی هێرشێکی داعشەوە لە نزیك خانەقین برینداربوون و جموجۆڵەکانی چەکدارانی داعشیش لەو ناوچانە بەردەوامە.

H.J