تەقینەوەیەکی بەهێز کابوولی هەژاند

K24 – هه‌ولێر:

تەقینەوەیەکی بەهێز کابوولی پایتەختی ئەفغانستانی کردە ئامانج و بەهۆیەوە 65 کەس برینداربوون کە ژمارەیەکیان منداڵن.

نەسرەت رەحیمی، وتەبێژی وەزارەتی ناوخۆی ئەفغانستان بە ئاژانسی رۆیتەرزی راگەیاندووە: "تەقینەوەکە لە رێگای ئۆتۆمبێلێکی بۆمبڕێژکراوە ئەنجامدراوە  و بەشێکی وەزارەتی بەرگری کردووەتە ئامانج، لە دوای تەقینەوەش کۆمەڵێک چەکدار چوونەتە ناو باڵەخانەیەک".

تاکو ئێستا هیچ لایەنێک بەرپرسیارەتی خۆی لە تەقینەوەکە رانەگەیاندووە، بەڵام ئەم هێرشە تیرۆرستییە لە کاتێکدایە، نوێنەرانی ئەمەریکا و بزووتنەوەی تاڵیبان لە قەتەر خەریکی دانووستانن تاکو بگەنە رێککەوتنێکی ئاشتیانە.

لە ئێستادا، رێکخراوەکانی داعش و تاڵیبان لە ئەفغاستان چالاکن و کردەوەی تیرۆرستی ئەنجام دەدەن.

Here's the scene after a powerful explosion hit Afghanistan's capital of Kabul pic.twitter.com/1wRcLtT7ik

— Schnuck Networks (@schnucknetwork) July 1, 2019

A spokesman for the Ministry of Public Health Wahidullah Mayar said that dozens of wounded have been taken hospitals following a heavy explosion in #Kabul. Footage: Social Media #Afghanistan pic.twitter.com/5b3YjE6bXb

— TOLOnews (@TOLOnews) July 1, 2019

H.J