شنگال.. دوو كه‌س كه‌وتنه‌ بۆسه‌یه‌كی داعش و شه‌هید كران

K24- شنگال:

ئەمڕۆ سێشەممە، 24/7/2019، حسێن خەڵەف عتێش، کە ئەندامی لیژنەی ناوچەی رزگاریی سەر بە لقی 17ی پارتیی دیموکراتی کوردستانە، لەگەڵ یه‌كێك له‌ هاوڕێكانی بە ناوی شێخ حەجی حەمو، دەکەونە ناو بۆسەیەکی داعش و شەهید دەکرێن.

قادر قاچاخ، بەرپرسی لقی 17ی پارتیی دیموكراتی كوردستان لە سنووری شنگال ئه‌و هه‌واڵه‌ی بۆ کوردستان 24 پشتراست کرده‌وه‌ و رایگه‌یاند، رووداوه‌كه‌ له‌كاتێكدا بووه‌، كه‌ ئه‌و دوو كه‌سه‌ چووبوونه‌ نزیك چیای شنگال و كه‌وتوونه‌ته‌ بۆسه‌ی چه‌كدارانی داعش و شه‌هید كراون.

H.B