ھەولێر و بەغدا لەسەر نەخشەڕێگایەك بۆ چارەسەركردنی کێشهی نەوت ڕێکدەکەون
"پێویسته ههموومان پابهندی دهستوور و یاسای بودجه بین"
K24- بهغدا:
ھەولێر و بەغدا لەسەر نەخشەڕێگایەك بۆ چارەسەركردنی کێشەکانی پەیوەست بە نەوت ڕێکدەکەون و کۆمەڵێك پرەنسیپی ھاوبەش دیاری دهكهن، بۆ ئهوهی ھەموو کێشەکان لەسەر ئەو بنەمایانە چارەسەربکرێن.
سامر غەزبان، وەزیری نەوتی عێراق کە لە ھەمان کاتدا جێگری سەرۆك وەزیرانی عێراقیشە بۆ کاروباری نەوت و وزە، بە کوردستان ٢٤ ی گوت: نەخشە ڕێگایەکمان دیاریکردووە، بۆ ئهوهی ھەولێر و بەغدا کێشەکانی پەیوەست بە نەوت چارەسهر بکەن.
گوتیشی: نەخشە ڕێگاکە ھەردوولا پابەند دەکات بە ماددەکانی ١١١ و ١١٢ ی دەستوور، کە دەڵێ نەوت و گاز موڵکی ھەموو عێراقییەکانە، ههورهها پابهند دهكات به یاسای بودجە و کۆمەڵێك ڕێسای دیکە، کە لە کۆتاییدا کێشەکان بەرەو چارەسەر دەبات.
غهزبان دووپاتیش دهكاتهوه، چەند مانگێکە ھەولێر و بهغدا ڕێکەوتوون، بۆ ئهوهی کۆمەڵێك پرەنسیپی ھاوبەش دیاریبکەن، تا ھەموو کێشەکان لەسەر ئەو بنەمایانە چارەسەربکرێن.
دهشڵێت: پێموانییە نەتوانین پرسەکان چارەسەربکەین، بنەماکان بریتین لە یەکێتی عێراق، گەڕانەوە بۆ دەستوور و بۆ یاسای بودجەی عێراق.
ئاماژه بهوهش دهدات، رێکەوتووین ھەموو لە بەرھەمھێنان بەشداربین و ھەمووش لە خێروبێرەکان سودوەرگرین.
ئەمه لەکاتێکدایە، خەریکە نەوت پەل دەکێشێتە ناو گفتوگۆکانی بودجەشەوە، کە بڕیارە کۆتایی مانگی داھاتوو لە بەغدا تاوتوێ بكرێت.
H.B