تورکیا چوار سەرۆک شارەوانی هەدەپەی دەستگیر کرد

K24 – هه‌ولێر:

چوار سەرۆك شارەوانی ھەدەپە لە دیاربەكر دەستبەسەركران و لە رحاش بڕیاری زیندانیكردن بۆ 30 ئەندامی ھەدەپە دەرچوو.

پەیامنێری كوردستان24 لە دیاربەکر رایگەیاند، بەیانی ئەمڕۆ عەدنان سەلجوق مزراكلی، سەرۆكی شارەوانی دیاربەكر و ھەریەك لە سەرۆك شارەوانییەكانی بسمیل و پەیاس دەستبەسەر كران.

ئاماژەی بەوەش كرد، لە بەڕێوەبەرایەتی ئاسایش لێكۆڵینەوە لەگەڵیاندا بەردەوامە.

لەلایەكی دیكەوە بڕیاری زیندانیكردن بۆ 30 ئەندام و لایەنگری ھەدەپە لە رحا دەرچووە.

حکوومەتی تورکیا پێشتریش چەندین بەرپرس و سەرۆک شارەوانی هەدەپەی بە تۆمەتی "تیرۆر" و هاوکاری کردنی پارتی کرێکارانی کوردستان (پەکەکە) لە باکووری کوردستان دەستگیر کردبوو.

H.J