رووسیا: سازش ناكەین
"ناتوانین لە سووریا رێگری لە شەڕ دژی تیرۆرستان بكەین"
.JPG)
K24 - ھەولێر
سێرگی لاڤرۆڤ، وەزیری دەرەوەی رووسیا لە كۆنگرەیەكی رۆژنامەوانیدا رایگەیاند: "ناتوانین لە سووریا رێگری لە شەڕ دژی تیرۆرستیان بكەین و سازش بۆ تیرۆرستان ناكەین".
گوتیشی: "لە ئیدلب دەبێ ئەو رێككەوتنە جێبەجێ بكرێت كە لەنێوان سەرۆكی رووسیا و توركیا كراوە، دەبێ ئۆپۆزسیۆن لە تیرۆستان جیا بكرێنەوە و ناوچەیەكی ئارام دروست بكرێت و ھێزەكانی توركیا و سووریا یەكتر تۆپباران نەكەن".
وەزیری دەرەوەی رووسیا ئاماژەی بەوەشدا: "مافی حكومەتی سووریایە لەو ناوچانە تیرۆرستان لەناو ببات".
ئاشكراشی كرد: "لەسەر داوای توركیا ئەمڕۆ پەیوەندیی تەلەفۆنی لەنێوان ڤلادیمێر پوتن و رەجەب تەیب ئەردۆغان ئەنجامدرا، باسی رووداوەكانی دوێنی ئیدلب كرا، لە داھاتوودا پەیوەندییەكان لەبارەی كەمكردنەوەی گرژییەكان بەردەوام دەبێت".