مەسرور بارزانی: دەبێت بە بێ جیاوازی خزمەتی هەموو ناوچەکانی کوردستان بکرێت

سەرۆکی حکوومەتی هەرێمی کوردستان گوتی: "ئەرکی حکوومەتە پرۆژە خزمەتگوزارییەکانی بگەیەنێتە هەموو گوند و شارۆچکەکان."

ئەمڕۆ چوارشەممە، 16ـی تشرینی یەکەمی 2024، مەسرور بارزانی، سەرۆکی حکوومەتی هەرێمی کوردستان، بەردی بناغەی 21 پرۆژەی خزمەتگوزاریی تایبەت بە قیرتاوکردنی جادە و شەقام، دروستکردنی پرد، ئاو و ئاوەڕۆ، لە سنووری قەزای مێرگەسۆر دانا.

سەرۆکی حکوومەتی هەرێمی کوردستان، لە هەژماری خۆی لە تۆڕی کۆمەڵایەتی ئێکس ڕایگەیاند: "ئەمڕۆ لە مێرگەسۆر بووین و خۆشحاڵ بووم بە دانانی بەردی بناغەی 21 پرۆژەی تایبەت بە شەقام، پرد، ئاو و ئاوەڕۆ."

هاوکات ئاماژەی بەوە دا: "ئەرکی حکوومەتە پرۆژە خزمەتگوزارییەکانی بگەیەنێتە هەموو گوند و شارۆچکەکان و دەبێت بە بێ جیاوازی خزمەتی هەموو ناوچەکانی کوردستان بکرێت."

In the last few months, our national agenda has taken us from Slemani to Koya, Halabja to Erbil, and Duhok to Zakho.

Today, we are in Mergasor, where many people over the last century have fallen for our just cause.

We pledged over $20mn for roads, bridges and irrigation. pic.twitter.com/EwNWUFGEXo

— Masrour Barzani (@masrourbarzani) October 16, 2024