ئەحمەد هۆشیار: گەشتەکانی هێڵیی قەتەر بۆ هەولێر ڕانەگیراوە و بەردەوامە
ئەحمەد هۆشیار بەڕێوەبەری گشتیی فڕۆکەخانەی نێودەوڵەتیی هەولێر تایبەت بە ماڵپەڕی کوردستان24ی ڕاگەیاند، گەشتەکانی هێڵی ئاسمانیی قەتەر بۆ هەولێر ڕانەگیراوە و ڕۆژانە گەشتەکانی بەردەوامە.
ئەحمەد هۆشیار گوتیشی: هێڵی ئاسمانی قەتەر تەنیا داوای کردووە گۆڕانکاری لە کاتی گەشتەکانیدا بۆ فڕۆکەخانەی نێودەوڵەتی هەولێر بکات؛ بەگوێرەی کارپێکردنی خشتەی زستانە، گەشتی هێڵی ئاسمانی قەتەری ڕۆژانە لە کاتژمێر حەوتدەگاتە فڕۆکەخانەی هەولێر و 8:15 خولەکیش گەشتی دەرچوونی لە فڕۆکەخانەی نێودەوڵەتیی هەولێر دەبێت.
هەروەها ئاماژەیدا، هێڵی ئاسمانیی قەتەری لە هەر 24 کاتژمێرێکدا مافی دوو گەشتی پێدراوە و بەردەوامیش ڕۆژانە گەشتێکی هەیە.
ئەمڕۆ پێنجشەممە، هێڵی ئاسمانیی قەتەر لە ڕاگەیەندراوێکدا ڕاگرتنی "کاتی"ـی گەشتەکانی بۆ هەر یەک لە عێراق و ئێران و لوبنان ڕاگەیاند و ئاماژەیداوە، بەهۆی ئاڵۆزییەکانی ڕۆژهەڵاتی ناوەڕاست گەشتەکانی ڕاگرتووە، جەختیشی لەوە کردووەتەوە، سەلامەتیی سەرنشینەکانی هەمیشە لە پێشینەی کارەکانیدا دەمێنێتەوە.
