واشنتۆن پۆست: یەک لەسەرچواری باڵەخانەکانی لوبنان وێران بوون
بەگوێرەی داتاکانی مانگی دەستکرد، یەک لەسەر چواری باڵەخانەکانی 25 شارۆچکەی لوبنان وێران بوون یان زیانیان پێگەیشتووە.
ڕۆژنامەی واشنتۆن پۆست بە پشتبەستن بە داتای مانگی دەستکرد ڕایگەیاندووە، "نزیکەی یەک لەسەر چواری باڵەخانەکانی 25 شارۆچکەی لوبنان لە نزیک سنووری ئیسرائیل وێران بوون یان زیانیان پێگەیشتووە".
دوێنێ پێنجشەممە، وەزارەتی تەندروستی لوبنان کۆی گشتی کوژراو و بریندارانی هێرشەکانی ئیسرائیلی ڕاگەیاند و گوتی: لەدەستپێکی هێرشەکانی ئیسرائیل بۆسەر لوبنان، 2867 کەس کوژراون و 13047 کەسی دیکەی برینداربوون.
لە 23ـی ئەیلوولی 2024، ئیسرائیل هێرشی کردە سەر لوبنان، کە تا ئێستا بەهۆیەوە زیاتر لە 15 هەزار کەس کوژراون و بریندار بوون، جگە لە ئاوارەبوونی زیاتر لە ملیۆنێک لوبنانی و ڕۆیشتنی نزیکەی 70 هەزار کەس بۆ دەرەوەی وڵات، لەگەڵ ئەوەشدا زیانێکی زۆر بە ماڵ و باڵەخانەکانی چەند شارێکی ئەو وڵاتە کەوتووە.